16 снежня ў нашай школе сустракалі ўдзельнікаў пасяджэнне раённага метадычнага аб’яднання кіраўнікоў музеяў устаноў адукацыі і адказных за краязнаўчую і турыстычную работу ва ўстановах адукацыі Барысаўшчыны.
Тэма пасяджэнне раённага метадычнага аб’яднання “Развіццё школьнага краязнаўства: рэсурсы, праекты, адукацыйныя практыкі”. Педагогі актыўна дзяліліся паспяховымі практыкамі, накіраванымі на развіццё ў вучняў пачуцця патрыятызму і грамадзянскасці, абмяркоўвалі пытанні развіцця музейнай педагогікі і экскурсійнай дзейнасці, накіраванай на патрыятычнае выхаванне, вывучэнне гісторыі малой радзімы, пашырэнне кругагляду вучняў і далучэнне іх да навукова-даследчай работы, што важна для захавання культурнай спадчыны і фарміравання грамадзянскіх якасцей навучэнцаў.
Удзельнікі РМА наведалі школьныя музеі. Экскурсію па этнаграфічнаму музею “Сялянская хата” правялі вучні школы. Гэта была выдатная магчымасць для дзяцей не толькі расказаць пра культурную спадчыну свайго краю, але і развіць камунікатыўныя і прэзентацыйныя навыкі.
Падчас экскурсіі наведвальнікі музея змаглі ўбачыць традыцыйны інтэр'ер хаты беларускага селяніна ХVII-XIX ст., пазнаёміцца з прадметамі побыту, якія ўваходзяць у экспазіцыю, а таксама пачуць цікавыя факты.
Экскурсія ў музеі “Час і мы”, была прысвечана гісторыі школы, яе настаўнікам і выпускнікам. Удзельнікі мелі магчымасць даведацца шмат цікавых фактаў з мінулага ўстановы адукацыі. Экскурсаводы пазнаёмілі з экспанатамі – фотаздымкамі, дакументамі і памятнымі прадметамі, якія расказваюць аб развіцці школы на працягу дзесяцігоддзяў.
Інтэрактыўны спектакль «Беларуская кухня: водар гісторыі. Харчэўня «Смаката па-Вяляціцку», пад кіраўніцтвам настаўніка беларускай мовы і літаратуры Белай Л.Ф., дазволіў удзельнікам мерапрыемства не толькі пазнаёміцца з традыцыямі беларускай кухні, але і акунуцца ў атмасферу старажытнага побыту. Гэты вопыт паказаў магчымасці выкарыстання інтэрактыўных форм у краязнаўчай рабоце, зрабіўшы яе больш захапляльнай і запамінальнай для вучняў.
Дзякуючы актыўнай падрыхтоўцы і зацікаўленасці ўдзельнікаў, мерапрыемства прайшло на высокім узроўні і пакінула яркія ўражанні ў памяці як удзельнікаў, так і гасцей установы.